Dä Rothristercup isch scho wieder verbii und mir hend bi schönem Wetter tolli Leistige döfe zeige!🤩 sGym-Paar Celine und Patrizia het miteme solide Durchgang e super Note vo 9.74 und dä 3.Rang chöne erreiche!🥳 Au üsi beide Paaraerobic hend Alles geh und sich sogar dä Doppelsieg chöne erturne! dVivian und dä Dominik het sich miteme 9.63 dä Sieg chöne hole und knapp hine sind dSina und dPatrizia miteme 9.62. Was für Leistige!🤩 Zum Schluss isch no sTeam uf dä Teppich. Sie sind leider als einzigi idere Kategorie an Start gange, hend aber trotzdem Alles geh! Das isch mit dä Note 9.57 belohnt worde! Jetzt heissts nomol Vollgas geh für die wiitere Wettkämpf!💪🏼 #rothristercup#aerobic#gym#tollwars#herbstsaison

Scho glii goht dSaison nöd nur für üses Gym-Paar wiiter, sondern au für sAerobic!😎🥳 sAktivteam, sowie sPaar Sina und Patrizia dörfed ihri Choreo am Rothristercup zeigä und Alles geh!💪🏻 Bsunders freut üs, dass es zweits Paaraerobic an Start goht: dVivian und dä Dominik zeiged sallererste Mol ihri brandneu Choreo!😍 Mir freued üs uf en tolle Wettkampf und gäbed nomol Vollgas bis denn🤪 #rothristercup#aerobic#gymnastik#paare#letsgohoppsommeri

Mir freued üs fest, au das Johr wieder en Teil vom @vereinstag zsii!😍🤘🏻 Bsuech au du üses offene Training, mir freued üs uf di!😉💪🏻 #vereinstag#vorfreud#egaluswellemverein#zeigdi#fürsdorf

D A N K E . Mir schwelged immerno in Erinnerige a dä toll Alass letscht Wuchenend!😍🥳 Dä ganzi Tag wär aber numä halb so schö worde, ohni dUnterstützig vo üsne grossartige Sponsore! Herzliche Dank für Alles!🙏🏼 #sponsoren#danke#dsm#wasfürentag#schönwars

DÜTSCHSCHWIIZER MEISTERINNE 2026🥳🥇 Eso dörf sich ab jetzt üses Paar Celine und Patrizia nennä! Nocheme tollä Durchgang hend sie sich mitere unglaubliche Note vo 9.95 chönne dä Titel hole und das no vor ihrere Hustüre!🥹😍 Sie freued sich unglaublich über ihren Startplatz ade Schwiizermeisterschafte am 26. September und gäbed nomol Vollgas!😎💪🏻 Au im Einzel isches für dPatrizia super gloffe und sie het sich über e Hammer Note vo 9.83 dörfe freue! Leider hets mitem 4. Rang nöd ganz ad SM glanget, trotzdem sind mir uu stolz uf die Leistige! Die beide freued sich jetzt scho uf dSM und über ganz viel Fans am Feldrand, wo hoffentlich wieder für Hüehnerhuut sorged!💛🖤 Danke a alli Fans, wo so zahlriich erschiene sind! #dsm#meisterinne#wasfürentag#hoppsommeri#sm

Üsi Turnfahrt liit bereits scho wieder e Wuche zrugg und mir dörfed uf es lässigs Wuchenend zruggluege! 😍 Dä Wäg het üs zersch noch Singe gführt, wo mir mit khuuule Gfährt dStrosse unsicher gmacht hend! 😎🏎️ Dä Rest vom Samstig hend mir gmüetlich zStei am Rhii mit Drinks und diverse Spiili verbrocht. Natürlich het au dAbschüehlig im Rhii nöd dörfe fehlä! 🏊🏻Nocheme feine Znacht ide Jugi hend mir no dAltstadt unsicher gmacht. 🍻🥂 Am Sunntig het üs en guet zweistündige Fuessmarsch zude Braui @hopfentropfen.ch brocht. Det hend mir binere Olympiade Alles geh! 🍻Alles geh, hemer natürlich au bim Bier trinkä! 😉 Nocheme feine Zmittag, het üs det dä Brunne e gueti Abchüehlig bote! Es paar gmüetlichi Stunde spööter, het üs dä Weg denn wieder zrugg noch Amriswil gführt.🚂 Danke vielmol ad Ramona für die super Organisation!🙏🏼🥳 #turnfahrt#ganzvielbier#rennauto#unfall#stvsommeri

dVorfeud stiigt und scho bald findet die Dütschschwiizer Meisterschafte ide Gymnastik statt!😍🥳 Mir dörfed sie nöd nur organisiere, sondern au ufem Teppich stoh! dCeline und dPatrizia sind bereits scho fliissig am Üebe und freued sich, über ganz viel Fans am Teppichrand! 😉💪🏻 #dsm#gymnastik#letsgo#einzel#paar

Am 15. August findet nöd nur dDSM Gymnastik statt, mir wärded nochem Wettkampf uf dä Tag astossä grad vor dä Halle ade Sportlerbar!😎😍 Chum au du verbii und gönn dir eis, zwei Drinks a üsere Bar!😉🤘🏻Nebst dä Drinks, sorgt au e super Musigalag für Stimmig!🥳 🎶 ( Probs an @tv_oberaach ) #sportlerbar#astossänochemwettkampf#eiszweidrinksodermeh#bringdinikollege#hoppsommeri

Next one: Hüt stelled mir eu dVivian vor, üsi Wonderwoman! 💪🏻Scho so lang debii, mit Liideschaft und puurem Härz!🫶🏻 Was wääred mir ohni diich! Lern au du üsi Vivi es biz besser kennä, ihres Strahlää häsch sicher scho am eint oder andere Wettkampf bestuunt!😉 #stvkopf#nextone#powernudle#unglaublichtoll#härzenssach

Au üsi Aktive öffnet no ihri Turnhalletüre für eu!🤩🤘🏻 Mir würded üs sehr freue, wenn es paar vo eu ganz unverbindlich ines Training würed go ineluege choo!💪🏻😎 Au dJugend macht ihri Türe nomol uuf.😉 #schnupperwoche#2.0#letsgoo#chumdochau#stvsommeri

dSchnupperwuche vo üsne Jugendriege isch bereits scho wieder verbii und mir blicked uf e tolli Wuche, mit vielne tolle Turnstunde zrugg!🤩💪🏻😎 Bsunders gfreut het üs, dass i allne Riege vieli neui Kids uf Bsuech gsi sind und mir freued üs sehr, dass üsen Verein eso wachse wird!🥳 #schnupperwuche#jugend#wachse#tollischesgsi#hoppsommeri

Was für äs Fescht!😍 Au szweite Wuchenend am Turnfest isch bereits scho wieder Gschicht. Am Friitig hend mir Vollgas geh und super Resultat chönne erziele: - 2.Rang Gymnastik ohne Handgeräte mit dä Note 9.45 - 1.Rang Team Aerobic 35+ mit dä Note 9.47 - ⁠1.Rang Team Aerobic Aktive mit dä Note 9.77🤩 Am Friitigobig isch denn rächt agstossä worde uf die super Resultat! Am Samstig hend mir ganz viel anderi Verein chönne unterstütze und bestuune, bevors denn nomol as Festä gangä isch!🥳 Do demit isch dFrüehligssaison au scho wieder fertig und mir blicked uf unglaublichi Wettkämpf zrugg.🙌 Bedanke tüend mir üs bi allne Fans, wo üs immer unterstützt hend!👊🏼💛🖤 Jetzt wirds wieder chli ruhiger, aber nöd lang —> üses Gym Paar muess bereits scho am 15. August wieder ad Säck😉 Stay tuned!👀 #turnfest#wasfüresweekend#akt#hoppsommeri

Was für äs Wuchenend!🤩 Mir hend bereits scho serste Wuchenend vom Turnfest hinder üs.💪🏻 Alli hend Vollgas geh und ihres Beste zeiged. Au wenn nöd immer alles ganz noch Plan gloffe isch, hend üsi Paar e Hammerleistig zeiged: - 2. Rang Paaraerobic Sina und Patrizia mit de Note 9.93🥳🥈 - ⁠3. Rang Gymnastik Paar Celine und Patrizia mit de Note 9.88💪🏻🥉 Im Turnwettkampf bide Fraue sind dSina und Patrizia gstartet und hend sich vo 95 Turnerinne folgendi Räng chöne sichere: - 2. Rang Patrizia mit 29.36🥈🥳 - ⁠18. Rang Sina mit 27.64 🏅🙌🏻 Im Turnwettkampf bi dä Manne sind dä Pascal, dä Andi und dä Thomas gstartet und hend sich vo 146 Turner folgendi Räng chöne sichere: - 62. Rang Thomas mit 25.35 - ⁠69. Rang Andreas mit 25.03 - ⁠87. Rang Pascal mit 23.92 Au üsi Fustballer hend alles geh!🥳 Mir sind stolz uf üsi Leistige und es grosses Danke goht au a üsi Kampfrichter, wo ihren Isatz geh hend! Mir freued üs bereits jetzt scho ufs Vereinswuchenend!🤩🥳 #turnfest#einze#plämpel#wasfüresfest#stvsommeri

Scho bald gohts los und mir freued üs riesig ufs Turnfest @appenzeller_kantonalturnfest !🥳🤩 Alli Infos und Startziite findsch ufem Bitrag. Jetzt heissts nomol Vollgas geh im Training und für üsi Einzelturner gohts denn bereits scho das Wuchenend noch Herisau!💪🏻🤘🏻🤩 #turnfest#letsgoo#einzel#verein#stvsommeri

Erneuter Goldregen für Sommeri: Zum 2. Mol in Folg 3x Thurgauermeister😍🥇🥇🥇 Was füren unglaublich erfolgriiche Tag für dä STV Sommeri! 🤩💪🏻 Bi schönste Bedingige hend mir ade Thurgauermeisterschafte folgendi Erfolg chönne fiirä: - 1. Rang Team Aerobic Aktive mit 9.667🥇 - 1. Rang Gymnastik Kleinfeld Rasen mit 9.49🥇 - 1. Rang Team Aerobic 35+ mit 9.33🥇 Genauso stolz sind mir uf üses Team Aerobic Jugend! Sie hend a ihrem zweite Wettkampf ihres Beste zeiged und mit dä Note 8.43 dä 11. Rang chönne sichere!🥳💪🏻 Mir sind unglaublich stolz uf alli und chönds immernonig glaube, szweite Johr hinderenand chöne drü Titel zsichere!🥹🤘🏻 Uf üsere goldige Welle gohts i die letschte Trainings vorem @appenzeller_kantonalturnfest und mir gäbed nomol Vollgas…! 😎💪🏻 —>alli Infos und Startziite zum Turnfest folged… Mir bedanked üs vo Herzä bi allne Fans, wo üs immer am Feldrand aafüüred! 🫶🏻🥹Ohni eu wärs nume halb so läss! (vor allem au sFeschtä nochher😉…) 💛🖤💛 #äälbandi#wasfürentag#goldrege#jugend#stvsommeri

Üsi Schnupperwuche für dJugend stoht vor dä Türe!🤩 Mir freued üs über jedi und jede, wo üs chunt go bsuechä! Du dörfsch ganz unverbindlich und spontan verbiichoo, dTurnhalletüre stönd offe!😉 Wenn du no gnaueri Infos bruchsch —> bsuech üsi Homepage stvsommeri.ch #schnupperwuche#jugend#zuekunft#chumdochau#sommeri

Nochem Wettkampf isch vorem Wettkampf!🤩 Und so gohts dä Samstig bereits wiiter miteme Highlight: dTGM im Vereinsturne!💪🏻🥳 Mir freued üs bsunders, dass au üsi Jugend mit am Start isch und mir alli zäme chönd Vollgas geh!🤘🏻 Mir freued üs über viel Fans am Feldrand!😉 #tgm#letsgo#jugend#gym#aerobic

Was für äs Fest!🤩 Am Tannzapfecup hend mir en erfolgriiche Tag dörfe fiirä! sGymnastik, wie au sTeam Aerobic het ihri Saison chöne starte und zeige, a wa sie fliissig gschaffet hend.💪🏻 sNiveau isch höch gsi, umso stolzer sind mir uf folgendi Resultat: - 2. Rang Team Aerobic 35+ mit 9.48 🥈 🤩 - ⁠4. Rang Team Aerobic Aktiv mit 9.77🤩 - ⁠9. Rang Gymnastik Rasen o.H. mit 9.3🤩 Nochem erfolgriiche Tag, isch au sFestä nöd zchurz choo!😉🥳🤘🏻 Mir freued üs jetzt scho uf nöchst Samstig, wenns a dä TGM wieder heisst: ÄÄÄL BANDIII #tannzapfe#wasfürentag#aerobic#gymnastik#stvsommeri

NEWS‼️ Mir freued üs dJugendriege us Hefehofe i üsen Verein chöne z‘integriere und ihne e sportlichi Zuekunft chöne büüte! 🤩 Bsunders erfreulich isches, dass die bisherige Leiterinne und Leiter us Hefehofe wiiterhin bereit sind, sich z‘engagiere. Eso wird zäme mit üsne Leiterinne und Leiter es spannends neu Projekt ufgleist.💪🏻 Alli Infos findsch du ufem Flyer. Zudem wird die Wuche no dInfo weg dä Schnupperwuche usecho! Stay tuned!👀✌🏻 #zämeschluss#hefehofeundsommeri#zuekunft#mirwachsed#vorfreud

Am Samstig gohts au für die Aktive los!🤩 Sie freued sich riesig uf dä erst Wettkampf.🥳💪🏻 Chum doch au go fääne!😉 #tannzapfecup#letsgo#saisonstart#gym#aerobic