TGM 2023 – Was für ein Tag!

Was für en Tag..!🤩
Am Samstig, ade dasjöhrige TGM hend mir bi schönstem Wetter, super Leistige chöne abrüefe..💪🏻

Am 11:18 Uhr isches losgange mitem Team Aerobic Aktive. Nocheme super Durchgang voreme luute Publikum, het sich sTeam dörfe über die hööch Note vo 9.633 freue..!😍🥳

E gueti Halbstund spööter het au s35+ en sackstarche Durchgang chöne zeige und mitere Note vo 9.286 isch ihne dPremiere definitiv glunge..!🤪🥳🔥

Nochere churze Pause isch au fürs Gymnastik o.H. am 14:48 Uhr dPremiere gsi..! Es isch alles super gloffe und alli hend voreme tolle Publikum ihres beste chöne zeige..!🔥🤸‍♂️ Umso stolzer isch sTeam ufdie sackstarch Note vo 9.22😍😋

Dä Wettkampf het sTeam Aerobic Aktive im Final dörfe abschlüsse..! Was füres Gfühl, vor soo vielne Fans dörfe z‘tanze..!🥹💛 Dä Wahnsinn…!

Ade Rangverkündigung isches denn nomol spannend worde…! dGymnastikgruppe het sich dörfe über dä sagehafti 4. Rang freue..!🤩 s35+ het dKonkurrenz stohloh und
tatsächlich dörfe ganz ufestoh🥇🥳
sTeam vode Aktive het sich nomol chöne steigere und dörf sich mitere Note vo 9.660 bereits zum zweite Mol Vizethurgauermeister nennä..!💪🏻🤩

Was füren Taag und was für Leistige..! Gratulation zu all dennä Resultat, ihr alli dörfed fest stolz uf eu sii..!💛 En grosse Dank goht au a alli Leiterinne und natürlich a üsi treue Fans..!😉💛

Mir freued üs bereits jetzt ufs Turnfest und gebed ide Halle nomol richtig Gas..!💪🏻🤪

tgm#vizerthurgauermeister#aerobic#gymnastik#wasfürentaag#ääälbandii#Sommeri#Hoppdigäälä#smooth